Все услуги

Навігацыйная карта Рэспублікі Беларусь

На падставе пастановы Дзяржаўнага камітэта па маёмасці Рэспублікі Беларусь ад 13.08.2012 №26 “Аб стварэнні аператара навігацыйных паслуг” тапографа-геадэзічнае Рэспубліканскае ўнітарнае прадпрыемства “Белгеадэзія” вызначана аператарам па картаграфічным забеспячэнні спажыўцоў навігацыйных паслуг.

      Паслугі:

  • Прадастаўленне звестак з Навігацыйнай карты ў выглядзе:
  • ♦ набору прасторавых даных у фарматах *.shp і *.mif/mid або любым іншым пры наяўнасці тэхнічнай магчымасці канвертавання;
    ♦ WMS-сэрвісу Навігацыйнай карты для інтэграцыі ў геаінфармацыйныя сістэмы, навігацыйныя і інфармацыйныя рэсурсы.

  • Стварэнне і абнаўленне навігацыйных карт маштабу 1:100 000 і 1:10 000 на тэрыторыю Рэспублікі Беларусь.
  • Збор навігацыйнай інфармацыі ў палявых умовах з камеральнай апрацоўкай даных.
  • Стварэнне на базе наяўных лічбавых карт і даных шырокага спектру вытворнай картаграфічнай прадукцыі.
  • Геапрасторавы аналіз з улікам картаграфічнай, навігацыйнай і дадатковай інфармацыі.

 

Тарыфы за карыстанне Навігацыйнай картай Рэспублікі Беларусь прадугледжваюць набыццё права карыстання навігацыйнай картай і інфармацыйнае абслугоўванне тэрмінам на 1 год.

Права на выкарыстанне карты прадастаўляецца на падставе дазволу Дзяржаўнага камітэта па маёмасці Рэспублікі Беларусь.

        Нашы перавагі:

•   Навігацыйная карта ствараецца на аснове дзяржаўных тапаграфічных карт і планаў маштабу 1:10 000 і 1:100 000, што гарантуе адпаведную дакладнасць вызначэння месцазнаходжання аб'ектаў.

•    Навігацыйная карта ствараецца паводле адзіных стандартаў і патрабаванняў, што забяспечвае аднастайнае адлюстраванне аднатыпных аб'ектаў.

•    Стварэнне і абнаўленне навігацыйнай карты ажыццяўляецца высокакваліфікаванымі спецыялістамі ў галіне геадэзіі і картаграфіі. 

•    Уся інфармацыя аб умовах і асаблівасцях арганізацыі дарожнага руху збіраецца падчас палявога абследавання і ў працэсе рэгулярнага маніторынгу, што гарантуе дакладнасць даных.

•    Пры фарміраванні блока дадатковай інфармацыі аб установах і аб'ектах сэрвісу выкарыстоўваюцца матэрыялы, прадастаўленыя дзяржаўнымі арганізацыямі і ведамствамі, а таксама ўладальнікамі гэтых аб'ектаў.

•    Індывідуальны падыход да кожнага кліента – падбор даных на цікавую тэрыторыю ў неабходным змесце.

•    Тэхнічная падтрымка на працягу ўсяго перыяду выкарыстання – кансультацыя спецыялістаў па выкарыстанні даных, аператыўная ліквідацыя выяўленых недакладнасцей.

•    Пры доўгатэрміновым супрацоўніцтве дзейнічае сістэма зніжак.

• Актыўнае ўзаемадзеянне з кліентамі – улічваем Вашы пажаданні пры распрацоўцы нашага прадукту.

 

  Мы старанна працуем з навігацыйнымі данымі, каб Вы заўсёды маглі пракласці верны маршрут.

 

Парадак аказання паслугі:

Паслуга па прадастаўленні інфармацыі з Навігацыйнай карты аказваецца па пісьмовым запыце з заключэннем ліцэнзійнага дагавору. 

Форма заяўкі на прадастаўленне інфармацыі

Кантакты для кансультацыі:

Тэл.: +375 17 334 81 28

+375 44 771 07 42
E-mail: navigation@belgeodesy.by
Начальнік АНіМЛТК: Стральчэнь Яўген Уладзіміравіч

Усе кантакты